تون ڪڏهن ايندين..؟

 تون ڪڏهن ايندين..؟
ڪير به جواني ۾ پوڙھو ٿيڻ نٿو چاھي.....
 جسم مخصوص حد تائين سج جي روشني 
برداشت ڪندا آھن....
ايئن روح کان به ھجر برداشت ناھي ٿيندو...
راتين جو تارا تڪڻ فطرت ناھي ھوندي
اھا ھيڪلائين جي آخري حد ھوندي آھي ....
منھنجون اکيون تنھنجي سونھن
 جي غذا کان محروم آھن
منھنجا ڪن تنھنجي آواز جي 
مڌم موسيقي لاءِ سڪايل آھن....
ڪائنات تنھنجو جواب ٻڌڻ جي انتظار ۾ آھي
ھن ڪن فيڪون کان پوءِ
 تنھنجي آواز جو انتظار ڪيو آھي
 نه ختم ٿيندڙ انتظار عمر کي چوھٽي ويندا آھن...
 ماڻھون پابندي سان نماز پڙھندا آھن
 آءٌ ايئن ئي ايميل ۽ مسيج جو 
 انبوڪس خالي ڪندو آھيان 
 ان ڊپ ۾ ته ڪٿي تنھنجو مسيج 
 ميموري فل مھل نہ اچي
 منھنجو فيسبڪ 24 ڪلاڪ کليل ھوندو آھي 
 متان تنھنجي آواز جي آذان تي آءٌ غير حاضر ٿيان...
 منھنجي ٽيليگرام جا ٽيب، لنڪ ڊن جو اڪائونٽ، 
 ٽوئيٽر، انسٽاگرام سڀ ان آس ۾ کليل آھن 
 تون ئي جواب ڏي...
 تون ڪڏھن ايندين؟

منصوبابندي: شاعري