آخري پيغام !

قسطن ۾ لکيل سڀئي خط

4حصن ۾ پهتل مسيج

آخر هيڏين وڏين ڳالهين جا مقصد ايترا ننڍا ڇو هوندا آهن

لفظن جي ترتيب زندگي جيان ڇو هميشه اوچ نيچ جو شڪار هوندي آهي ڇا تون ڪڏهن سوچيو آهي

مان لفظن ۾ ماکي ڪيئن وجهندو هيس

ڇا تون سوچيو آهي تنهنجي مسيجن ۾ وڌل مرچون منهنجو سک چين ۽ نور کسي وٺنديون آهن

ڇا تو اهو نه سوچيو هو ته تنهنجي خط مٿان لکيل لفظ "آخري پيغام" منهنجي دل جي ڌارا کي بند ڪري پئي سگيو

تو اهو به نه سوچيو ته

تنهنجي ڪال جي ڪٽجڻ سان منهنجي ساه جي نلي ۾ سوڙ ٿي پئي سگهي

ڇا تون نٿي ترسي سگهين

منهنجي آخري هڏڪي تائين جنهن جي اچڻ بعد پاڻي جي ضرورت ناهي پوندي

ڇا تون نه پئي ترسي سگهين

منهنجي وارن ۾ اڇا اچڻ تائين

ڇا اهو انتظار منهنجي محبت جي ڀيٽ ۾ وڏو هيو..؟؟

ڇا اهو ڪائنات کان به وڏو هيو...؟؟

ڪائنات جيڪاڪيڏي نه سوڙي آ....

فقط منهنجي پيار جي 3ٽين حصي جيتري.....

مڪمل پڙهو

ڀتين کي ڪن ناهن

 

ڀتين کي ڪن ناهن هوندا ۽ نه ئي وات

لائبريري اڳيان پيل بئنچ گونگي آهي. .

سي ايس جو سيڙهيون صرف

 ٽڪ ٽڪ جو اواز ڪڍي سگهنديون آهن  .

ميڊيا جا ڪلاس روم ڳالهائڻ کان قاصر آهن. .

آڊٽوريم شور ۾ پنهنجو آواز ڪڏهن به سمجهي نه سگهيو هو. .

ڪينٽين جون ڪرسيون پنهنجي نظرن جي ٻولي نٿيون ڄاڻن. .

تون بي خوف هلي وڃ. .

مون وٽ تنهنجي پيار جو ڪو به پختو ثبوت ڪونهي.

مڪمل پڙهو

محبوبه جي اکڙين جهڙي سنڌ مدرسه

 

محبوبه جي اکڙين جهڙي سنڌ مدرسه.

واجد گبول

 

چمڪندڙ ديوارون ڄڻ پرين جي اکين جو نور. .

سونهن پسڻ لاء سڀئي ڪوششون اڻپوريون ئي رهيون

دل ڀرجڻ جو نالو ئي ناهي وٺندو. . .

هو حوصلن جو گهر،

سونهن جو ساگر ۽ محبتن جو مرڪز. .

هن ڏانهن ويندڙ راهون ڄڻ وصل ڏانهن ويندڙ دڳ. .

ميڊيا جو شعوبو اک جي ماڻڪي آهي

سي ايس کان سواء سندس روشني نا ممڪن آهي

بي بي اي ڏسندڙن جي ساهن جو سرور ۽ آڊٽوريم ڇپر جي ڇانه وانگي آهي. .

ڪراچي پرين جو پاڇو آهي

۽ سنڌ مدرسه محبوبه جي اکين مثل آهي

مڪمل پڙهو

اي گذري ويندڙ سال تون شاهد رهجان

ته اسان محبوبن سان ميلي واري مند ۾ ٽارچرسيلن جو ڀيانڪ عذاب ڀوڳيوسين  تون شاهد رهجان
جڏهن اسان جي جسمن تي ڊرل مشينن جا سوراخ ڪيا پئي ويا 
جڏهن اسان جي زنده جسمن کي چچريو پئي ويو
ها تڏهن به اسان جي چهري تي مرڪ سمايل هئي
اهڙي مرڪ جيڪا محبوب جي ويجهي اچڻ وقت ايندي آهي 
ها جڏهن اسان کي پنهنجي جسمن جا ٽڙڪاٽ ٻڌڻ ۾ پئي آيا ته اسان کي پنهنجي محبوب جي اچڻ جو يقين پختو ٿيندو پئي ويو
اي گذري ويندڙ سال تون شاهد رهجان
ته اسان جي خواهشن ۽ اميدن کي به چچريو ويو تون شاهد رهجان ته اسان جي آخري خواهش کي به ماريو ويو ۽ کيس پنهنجي ئي مرضي جي ڪفن ۾ ويڙهيو ويو
اي گذري ويندڙ سال تون شاهد رهجان
واجد علي عاجز

;

مڪمل پڙهو